Ish kryeministri islandez përballet me drejtësinë

Rejkjavik, 05 mars 2012(12.30)
Ka nisur procesi gjyqëosr ndaj ish kryeministrit të Islandës Geir Harde nën akuzat për neglizhencë ndaj krizës financiare të 2008-ës, që çoi në shkatërrimin e ekonomisë së vendit.Tri bankat kryesore të vendit patën pësuar kolaps brenda javës së krizës, duke e hedhur vendin në recesion të thellë. Harde i ka mohuar akuzat duke i quajtur ato si përndjekje politike.
Ai e ka udhëhequr Islandën që nga mesi i vitit 2006 deri në fillim të 2009-ës, derisa koalicioni i tij u rrëzua pas protestave publike për shkak të krizës.
Harde është paraqitur të hënën në një gjykatë speciale në Rekjavik, që është themeluar për të gjykuar ish ministrat dhe ministrat aktualë.

Komentoni artikullin