Diçka po zihet

“Diçka po Zihet” është emisioni i parë televiziv i prodhuar në Kosovë mbi gatimin. Është ky një show televiziv i cili ka filluar në vitin 2007 dhe në të cilin kanë marr pjesë fytyra të njohura publike duke demonstruar aftësitë e tyre në përgatitje të ushqimeve të ndryshme. Ky show televiziv ka përfunduar deri tani 8 edicione me mbi 136 emisione të realizuara ku kanë defiluar mbi 480 mysafirë.

Një orë e plotë, çdo të diel në orën 11:00, diçka po zihet në tenxhere, por diçka po zihet dhe përzihet edhe në bisedat që zhvillohen gjatë gatimit. Gatuajnë, flasin, qeshin, këndojnë, aktrojnë dhe natyrisht garojnë dy ekipe të cilat në fund shpërblehen me dhurata nga sponsorët tanë kryesorë.

Edicioni i 9-të pos recetës së rregullt të Fikrije Ukelli – Cekës (autores së librit “1000 receta për çdo familje”) përfshinë edhe recetat e kuzhinierëve tanë nga restorantet dhe hotelet e Kosovës, të cilët do të vijnë, t’ua shpjegojnë recetat e tyre mysafirëve të ftuar, të cilët do ti përgatisin ato gjithnjë nën asistencën e kuzhinierëve. Natyrisht do të ketë edhe mysafirë të cilët do ti sjellin dhe do ti përgatisin recetat e veta.

Në piano mysafirët do ti shoqërojë Denik Prizreni i cili do të sjellë në emision edhe këngë nga repertori i tij i gjerë.

Udhëheqëse e show-ut është Xheraldina Vula.

Edicioni i 9-të do të shënojë jubileun e mysafirit të 500-të të show-ut “Diçka Po zihet”.

 

Komentoni artikullin