Hoxhiq apelon te qytetarët që mos ta shesin votën

Hoxhiq ka apeluar tek të gjithë qytetarët  që të dalin në numër sa më të madh dhe të votojnë sipas ndërgjegjes

Drejtoresha e Administratës në Komunën veriore të Mitrovicës, Adriana Hoxhiq, ka apeluar tek të gjithë qytetarët pa dallim, që të dalin në numër sa më të madh dhe të votojnë sipas ndërgjegjes së tyre.

Ajo ka bërë thirrje që qytetarët të mos e shesin votën, sepse bartin pasojat gjatë viteve në vijim.

“Apeloj te qytetarët që mos ta shesin votën e tyre. Ajo mund të kushtojë, por pastaj duhet ta durojnë qeverinë gjatë katër viteve të ardhshme”, ka thënë për Kp,  Hoxhiq.

Sipas saj, Mitrovica veriore është qytet multi-etnik që do të reflektojë me një qeveri multi-etnike.