Meta ngrit lartë figurën e Spahiut

Meta ngrit lartë figurën e Spahiut

Poeti Xhevahir Spahiu në 75-vjetorin e lindjes së tij, ka marrë vlerësimin më të madh nga presidenti i Shqipërisë Ilir Meta, dekoratën “Gjergj Kastrioti Skënderbeu”.

Në prani të personaliteteve të letërsisë dhe artit, Meta e cilësoi si poetin që guxoi të ecë në teh të briskut, që nuk njohu kurrë lajka, mite dhe mbase as perëndi. Por Kreu i Shtetit kujtoi se futjen në politikë ja kishte borxh poetit Spahiu.

Ne kemi lidhje të veçantë, nëse disa nga ju më pëlqejnë mua nëse disa jo kjo është merita apo përgjegjësia e Xhevahir Spahiut se unë asnjëherë nuk kisha ndërmend të bëhesha deputet apo t’i hyja jetës politike. Në 1992 iu luta Xhevahir Spahiut që të kandidonte në zonën e Skraparit nga vijmë të dy. Ai nuk pranoi, kështu që socialistët si specialista që ishin më futën mua aty me idenë që zgjidhu ti tani në 92 se nuk pranonte njeri e pastaj vazhdo ikë jashtë shtetit për studime e kështu me radhë. Kështu që Xhevo faleminderit për ato privilegje që unë kam patur në jetën politike sepse të jesh deputet është privilegj, por edhe për ato taksirate që kam patur”, u shpreh Meta.

Spahiu është edhe gazetar i njohur. Ai është nderuar me çmimin “Migjeni” dhe është fitues i çmimit të parë në konkursin e 45-vjetorit të çlirimit të atdheut.