IAEA e konfirmoi këtë

IAEA e konfirmoi këtë

Agjencia Ndërkombëtare e Energjisë Atomike (IAEA) konfirmoi sot se Irani ka filluar të pasurojë uraniumin në një nivel më të lartë nga ai i autorizuar nga marrëveshja e arritur në vitin 2015 me fuqitë e mëdha.

“Inspektorët e Agjencisë verifikuan më 8 korrik se Irani ka pasuruar uranium përtej masës 3,67%”, njoftoi një zëdhënës i agjencisë në një komunikatë.

Teherani njoftoi gjatë ditës së sotme se ka pasuruar uranium të paktën në nivelin 4,5%, në përgjigje të rivendosjes së sanksioneve amerikane.