Lumezi tha se nuk ka asnjë fakt që e dëshmon përfshirjen e Mustafës

Lumezi tha se nuk ka asnjë fakt që e dëshmon përfshirjen e Mustafës

Ish- Kryetari i Prishtinës nuk rezulton i përfshirë në asnjë prej 70 dosjeve që Lëvizja Vetëvendosje i kishte dërguar në prokurori lidhur me ish-zyrtarë komunalë të Komunës së Prishtinës.

Kryeprokurori i Shtetit, Aleksandër Lumezi në një intervistë ekskluzive për emisionin ‘Jeta në Kosovë’ tha se megjithëse është ngritur aktakuzë lidhur me këto lëndë, në to nuk është përmendur Isa Mustafa, përcjell kallxo.com

“Me ju thanë të drejtën, Isa Mustafa nuk ka qenë i përfshirë në asnjë prej kallëzimeve penale të cilat janë dërguar në Prokurorinë Speciale. Nuk ka qenë Isa Mustafa i përfshirë në këto raste. Nuk ka asnjë provë, asnjë fakt relevant i cili tregon se ish-Kryetari i Komunës së Prishtinës ka qenë i involvuar në këto raste”, tha ai.

“Ndërsa, personat tjerë që kanë qenë të involvuar në këto raste, Prokuroria Speciale, respektivisht prokurorja Drita Hajdari i ka kryer hetimet dhe e ka ngritur aktakuzën”, shtoi ai.

Kryeprokurori i Shtetit në këtë intervistë flet edhe për hetimet e zyrtarëve të lartë dhe dyshimet e ngritura mbi autenticitetin e provimit të tij të jurisprudencës.