Ish-deputeti ftohet nga Gjykata Speciale

Emrush Xhemajli në cilësinë e dëshmitarit

Zyra e Prokurorit të Specializuar ka ftuar për intervistim në cilësinë e dëshmitarit edhe ish-deputetin, Emrush Xhemajli.

Xhemajli ka njoftuar se më 24 janar 2020, ka marrë ftesë me shkrim nga Zyra e Prokurorit të Specializuar për të shkuar në Hagë të Holandës në cilësinë e dëshmitarit.

“Çka mendoj unë për Dhomat e Specializuara dhe mënyrën e themelimit të tyre e kam thënë publikisht dhe nuk është rasti ta përsëris. Tani mund të them vetëm këtë: Ata deputetë/te të Republikës së shtetit tim që votuan gjykatë speciale, apostafat kundër UÇK-së, do ta kenë njollë të zezë ndër breza!”, ka thënë Xhemajli.

Emrush Xhemajli ishte deputet i Kuvendit të Kosovës në kohën e shpalljes së Pavarësisë së Kosovës, më 17 shkurt, 2008.

Xhemajli nga viti 1987-1998 ishte sekretar i përgjithshëm i LPK-së.

Gjykata Speciale për intervistim ka ftuar dje edhe anëtarin e kryesisë qendrore të Organizatës së Veteranëve të Luftës së UÇK-së, Hajrush Kurtaj./21Media

Back to top button