Ja sa shpenzojnë shtetet në inovacion

Shqipëria ka investuar 37 milionë dollarë

Inovacioni mund të jetë një avantazh për ekonominë e një vendi, edhe pse në shumë raste për të korrur frytet e saj duhet të pritet gjatë në kohë.

“Howmuch”, bazuar në të dhënat e Institutit të Statistikave të UNESCO-s dhe përmes teorisë ekonomike të “purchasing-power parity”, ka publikuar shtetet të cilat investojnë më shumë për kërkime dhe zhvillim.

Ndonëse Kosova nuk është e paraqitur në këtë hartë, sipas këtyre të dhënave, Shqipëria ka investuar 37 milionë dollarë. Më pak kanë investuar vetëm 15 vende të tjera përfshirë edhe Malin e Zi.

Shtetet e Bashkuara të Amerikës kryesojnë listën për investime të tilla.

Ata kanë shpenzuar në inovacion 476.5 miliardë dollarë, ndërsa pas tyre vjen Kina dhe Japonia.

Më poshtë, grafika e të gjitha vendeve dhe buxhetit të ndarë për kërkime dhe zhvillim.

10 shtetet që shpenzojnë më shumë për kërkime dhe zhvillim:

1. SHBA – 476.5 miliardë dollarë

2. Kina – 370.6 miliardë dollarë

3. Japonia -170.5 miliardë dollarë

4. Gjermania – 109.8 miliardë dollarë

5. Koreja e Jugut – 73.2 miliardë dollarë

6. Franca – 60.8 miliardë dollarë

7. India – 48.1 miliardë dollarë

8. Mbretëria e Bashkuar – 44.2 miliardë dollarë

9. Brazil – 42.1 miliardë dollarë

10. Rusia – 39.8 miliardë dollarë.

Back to top button