Sipas Kelanit nuk është paraqitur ndonjë problem

Sipas Kelanit nuk është paraqitur ndonjë problem

Baki Kelani, zëdhënës i Policisë së Kosovës ka thënë se Policia e Kosovës ashtu siç ka paraparë ka angazhuar zyrtarë të mjaftueshëm për mbarëvajtjen e procesit zgjedhor në Kosovë.
“Deri në këto momente të gjithë zyrtarët i kemi nëpër pika dhe deri më tani mund të thuhet se nuk është paraqitur ndonjë problem”, ka thënë Kelani.

Ai ka bërë të ditur se zyrtarët policorë sot do të jenë të angazhuar edhe me orar më të zgjatur se normalisht,transmeton telegrafi.

“Aty ku është kërkuar nevoja kemi bërë shtesë, varësisht prej nivelit të rrezikshmërisë. Në aspektin e sigurisë çdo gjë është duke shkuar në rregull përfshirë edhe veriun e Mitrovicës”, ka thënë ndër tjerash Kelani.