Havolli në takim me drejtuesit e Fondit Kosovar për Garanci Kreditore

Havolli në takim me drejtuesit e Fondit Kosovar për Garanci Kreditore

Zëvendësguvernatori për Mbikëqyrje Financiare i Bankës Qendrore të Republikës së Kosovës, Sokol Havolli, ka pritur në takim drejtuesit e Fondit Kosovar për Garanci Kreditore.

Në këtë takim është diskutuar lidhur me mundësitë për zhvillimin e sektorëve të ekonomisë, të cilët kanë qasje më të limituar në produkte financiare.

Drejtuesit e FKGK-së kanë njoftuar për veprimet e marra për të forcuar dritaret e agrobiznesit, si dhe për financimin e bizneseve të udhëhequra nga gratë, instrumente këto që do të mundësojnë rritjen dhe zhvillimin më të shpejtë të bizneseve të këtyre kategorive.