Putin mohon përzierjen e Rusisë në zgjedhjet amerikane

Putin mohon përzierjen e Rusisë në zgjedhjet amerikane

Presidenti i Rusisë, Vladimir Putin ka hedhur serish poshtë të enjten përfshirjen e vendit të tij në kampanjën zgjedhore në SHBA, duke cituar ish-presidentin amerikan Ronald Regan.

“Regan gjatë një diskutimi për tatimin kishte thënë – Më lexoni buzët: Jo!”, ka thënë Putin, duke u përgjigjur ndaj kërkesës së moderatorit të seancës plenare në Samitin Arktik që të sqarojë nëse Rusia është përzier në zgjedhjet amerikane.

Çdo gjë tjetër, ka shtuar ai, është gënjeshtër, fabrikim dhe provokim në marrëdhëniet me Rusinë, transmeton TASS.  Po ashtu, ka thënë se disa forca në SHBA luajnë në kartën ruse, për të fuqizuar pozitën politike dhe për të arritur qëllimet e tyre.

“Gënjeshtrat, lajmet e rrejshme dhe provokimet kur bëhet fjalë për Rusinë po përdoren në luftën politike vendore amerikane”, ka thënë Putin.