Ajo është në listën e kandidatëve për deputete në Kuvendin e Kosovës

Ajo është në listën e kandidatëve për deputete në Kuvendin e Kosovës

Këngëtarja e mirënjohur shqiptare, Enkelejda Arifi, i është bashkuar Vetëvendosjes. Lajmin e ka bërë të ditur lideri i VV-së, Albin Kurti, i cili ndër tjerash tha ajo është në listën e kandidatëve për deputete në Kuvendin e Kosovës.

” Ajo vjen nga Durrësi ku është shkolluar për muzikë (flautë dhe kanto) dhe jeton në Gjilan ku punon si zyrtare për kulturë në komunë që nga viti 2010. Ajo është këngëtare profesioniste prej 25 vitesh dhe ka një krijimtari të gjerë ku përfshihen dhjetra albume e këngë të zhanreve të ndryshme. Enkelejda në vitet 2001 e 2002 ishte mësimdhënëse në shkollën fillore “Abdullah Tahiri” të Malishevës në Gjilan, pastaj deri në 2006 ka punuar në programin për shoqërinë civile të NDI, për të vazhduar në vitin 2007 si koordinatore e NDI për Gjilan. Në vitet 2008 dhe 2009 ka qenë pjesë e KQZ-së në Gjilan si dhe trajnere për procesin zgjedhor. Ka përvojë disa vjeçare dhe është eksperte në avokim, lobim, monitorim të pushtetit lokal dhe procesit zgjedhor.”, shkroi Kurti në Facebook.

Postimin e përmbylli me fjalinë se me këngën në zemër dhe me këngëtaren Enkelejda do të ecin drejt fitores më 6 tetor 2019.

Enkelejda Alushi-Arifi është një këngëtare e cila kryesisht këndon këngën çame. Në skenë është paraqitur si nxënëse dhe nga ato vite ajo ka një bagazh të pasur artistik./21Media