Loredana këndon këngën e re të Mozzik

Loredana këndon këngën e re të Mozzik

Janë bërë disa javë që kur çifti i njohur Loredana dhe Mozzik kanë deklaruar se lidhja e tyre ka përfunduar. Por veprimet e artistëve që nga këto deklarata na bëjnë të dyshojmë se ka qenë vetëm krizë momentale në lidhjen e tyre dhe se ata kanë ‘kurdisur’ gjithçka.

Sot Loredana ka publikuar një video ku ajo këndon këngën e re të Mozzik “Dhelpër Dinake”. Adhuruesit e artistëve që nga publikimi i këngës kanë aluduar se ajo i është kushtuar pikërisht Loredanës, shkruan rtv21.tv

Mozzik ditë më parë ka deklaruar se beson akoma në dashuri. Kjo deklaratë e tij, fuqizon më shumë dyshimet se ende ka ndjenja për ish-partneren e tij, pasi në emision disa javë më parë Mozzik ka thënë se ndaj Loredanës ka pasur ndjenja dhe dashuri të fortë.

Poashtu nuk duhet harruar të përmendet edhe postimi i Loredanës, një varëse me shkronjën H, kuptimi i së cilës është Hana, vajza e çiftit, dhe shkronjën M, Mozzik. Postimi është fshirë menjëherë, por prapë reperja ka postuar një selfie ku në qafë mbante të njëjtën varëse.

Ndryshe, “Dhelpër Dinake” ka arritur të klikohet mbi 3.7 milionë herë qe 4 ditë që nga publikimi i videoklipit në kanalin YouTube./21Media