Liverpooli pësoi humbje në Kiev para një viti

Liverpooli pësoi humbje në Kiev para një viti

Trajneri i Liverpoolit, Jurgen Klopp, beson se skuadra e tij aktuale është e pakrahasueshme me ekipin që humbi kundër Real Madridit në finalen e sezonit të kaluar të Ligës së Kampionëve.

Liverpooli pësoi humbje në Kiev para një viti, me Realin që fitoi 3:1, për ta siguruar titullin e tretë më radhë në ligën elitare evropiane.

Por, të kuqtë e morën veten dhe i bashkuan forcat për ta sfiduar Manchester Cityn në garë për titull në Premierligë këtë sezon, derisa e arritën finalen në Ligën e Kampionëve për vitin e dytë radhazi.

Skuadra e Kloppit do të kërkojë të bëjë më mirë kundër Tottenhamit në Madrid të shtunën dhe trajneri gjerman thotë se humbja e para një vitit në këtë fazë i ka bërë ata më të fortë.

Humbja ka një ndikim të madh në ne. E mbaj në mend situatën kur qëndronim në rend në aeroportin e Kievit për t’u kthyer në shtëpi. Të gjithë ne rrinim me kokën ulur. Të gjithë ishim të zemëruar dhe të zhgënjyer për humbjen. Nuk e kuptonim, nuk ishte e lejuar për ne të zemëroheshim, emocionet ishin shumë të ndryshme. Nga dita e parë në përgatitjet parasezonale, ne u bashkuam, nga ndeshja e parë në ligë. Ishte një hap i madh, shumë i madh për djelmoshat. Ky ekip nuk mund të krahasohet me ekipin e vitit të kaluar”, tha ai.