Komisionerët nuk respektojnë vendimin e KQZ-së

Ata nuk iu përgjigjën thirrjes së zëdhënëses së KQZ-së

Komisioni Qendror Zgjedhor në një konferencë të jashtëzakonshme ka kërkuar nga komisionerët të cilët ndodhen në qendrat e votimit që të qëndrojnë aty deri në mbylljen votimit i cili është shtyrë për orën 20:00.

Thirrja e zëdhënëses së KQZ-së Drilona Hoxhaj vjen pasi disa komisionerë kanë filluar të largohen pas orës 19:00 duke tentuar kështu që të mbyllin qendrat e votimit.

‘KQZ u kërkon të gjithë komisionerëve që të respektojnë vendimin e KQZ i cili u mor pak momente më përpara. Arsyeja apo justifikimi që nuk na është sjellur e printuar hardcopy e të tjerë, këto janë justifikime të cilat nuk janë shkak që ata të largohen nga vendi i tyre i punës, sepse sot ata janë në krye të detyrës. Ata duhet të qëndrojnë, janë vënë në dijeni të gjitha KZAK-të për vendimin e KQZ-së dhe të gjitha qendrat e votimit duhet të qëndrojnë të hapura deri në orën 20:00”, tha Hoxhaj.

Sipas Hoxhajt, të gjithë ata që i lëshojnë vendvotimet e kanë shpërdoruar detyrën dhe do të përgjigjen para ligjit.

Back to top button