Konjufca- Schütz diskutojnë për bashkëpunimin Kosovë-Gjermani

Konjufca vlerëson rolin e Berlinit në konsolidimin e brendshëm institucional të Kosovës

Kryetari i Kuvendit të Kosovës, Glauk Konjufca, priti sot në takim Susanne Schütz, drejtoreshë për Evropën Juglindore, Turqi dhe shtetet anëtare të Asociacionit Evropian për Tregti të Lirë në Ministrinë e Jashtme gjermane.

Në takim u diskutua për bashkëpunimin e shkëlqyer midis Kosovës dhe Gjermanisë në të gjitha fushat, si dhe për mundësitë e avancimit të mëtejmë të tij në të ardhmen.

Schütz uroi kryetarin Konjufca për zgjedhjen e tij në krye të institucionit më të lartë legjislativ të vendit, duke i dëshiruar atij suksese në detyrën e re institucionale.

Duke falënderuar diplomaten gjermane për mbështetjen e gjithanshme të Gjermanisë për Kosovën, kryeparlamentari Konjufca vlerësoi lart rolin e Berlinit zyrtar si në konsolidimin e brendshëm institucional e demokratik të shtetit të Kosovës, ashtu edhe në forcimin e subjektivitetit ndërkombëtar të tij.

Gjatë takimit, Schütz shoqërohej nga ambasadori i Gjermanisë në Kosovë, Kristian Heldt.