Kosnett ka folur edhe për numrin e madh dhe të shtuar të veteranëve të UÇK

Kosnett ka folur edhe për numrin e madh dhe të shtuar të veteranëve të UÇK

Ambasadori i Shteteve të Bashkuara të Amerikës, Philip S.Kosnett duke folur për avancimin e sistemit të drejtësisë në Kosovë ka theksuar se përderisa Kosova po hynë në dhjetë vjeçarin e dytë të pavarësisë, po e mahnitë botën sa i përket transparencës së prokurimit publik, por ka edhe shumë punë për të zbatuar ligjet në fuqi nga zyrtarë publik. Ndërsa për mosllogaridhënie dhe mos zbatim të ligjit nga zyrtarë publik, Kosnett ka bërë përgjegjës edhe qytetarët e Kosovës, sepse siç ka thënë ai çdo qytetar ose individ luan rol për sistemin e drejtësisë. Madje, ai ka kërkuar nga qytetarët që të reagojnë edhe me anë të protestave paqësore.

“Flas si mik i Kosovës, një oligarki mund të përfitoj vetëm kur njerëzit heqin dorë. Njerëzit në Kosovë kanë luftuar për një demokraci. Andaj, qytetarët mos të heqin dorë, por të reagojnë me ngritje të zërit dhe demonstrata paqësore ndaj zyrtarëve të pasuruar”, ka thënë Kosnett në Forumin FOL.

Po ashtu, në këtë forum ka veçuar çështjen e mos zbatimit të vendimit të Gjykatës Kushtetuese për Manastirin e Deçanit nga autoritetet komunale. Ky vendim është për pronat, është obligues të respektohet nga autoritetet përgjegjëse.

Kosnett ka folur edhe për numrin e madh dhe të shtuar të veteranëve të UÇK-së dhe emërimet e njerëzve në pozita kyçe, që nuk janë të kualifikuar dhe jo në mënyrë të meritokracisë.