Pritet të takohet edhe me liderët e subjekteve politike

Pritet të takohet edhe me liderët e subjekteve politike

Administratori i Agjencisë së SHBA-ve për Zhvillim Ndërkombëtar (USAID), Mark Green prej sot deri të mërkurën do të qëndrojë në Kosovë.

Në Kosovë, Green pritet të takohet me liderët e partive politike për të diskutuar për punën e vazhdueshme të USAID për promovimin e qeverisjes së përgjegjshme dhe luftimin e korrupsionit.

Po ashtu, ai do të marrë pjesë në lançimin e pilot projektit “Nxitjet e Efiçencës Energjetike” i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit (MCC) në bazë të Marrëveshjes “Threshold” të MCC-së në Kosovë. Kjo ngjarje është paraparë për të martën.

Përveç kësaj, Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” (Youth Lead) të iniciuar nga Agjencia e SHBA-ve për Zhvillim Ndërkombëtar (USAID) për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme.

Administratori i Agjencisë së SHBA-ve për Zhvillim Ndërkombëtar pritet të takohet me përfaqësues të organizatave joqeveritare, shoqërinë civile dhe të rinjtë nga komuniteti serb i Kosovës dhe gratë sipërmarrëse.

Mark Green për vizitë ishte në Gjermani dhe Shqipëri, pas Kosovës do të udhëtojë për në Maqedoninë e Veriut./21Media