Kryetari i Rahovecit viziton të lënduarit
11 të lënduar nga shpërthimi i një bombole gazi
Kryetari i Komunës së Rahavecit, Smajl Latifi i ka vizituar qytetarët që u lënduan mbrëmë nga një shpërthim i bombolës së gazit në një lokal në Ratkoc të Rahovecit.
“Vizitova në Spitalin e Gjakovës të lënduarit nga shpërthimi në Ratkoc. Pashë nga afër gjendjen e bashkëqytetarëve dhe njëkohësisht u sigurova nga Drejtori i Spitalit, Ahmet Asllani se të gjithë të lënduarit janë trajtuar dhe fatmirësisht janë jashtë rrezikut për jetë”, ka shkruar Latifi në “Facebook”.