Kreu i VV-së ka takuar edhe përfaqësues të policisë dhe ushtrisë

Kreu i VV-së ka takuar edhe përfaqësues të policisë dhe ushtrisë

Kryetari i Lëvzijes Vetëvendoisje, Albin Kurti, mëngjesin e sotëm ka qëndruar në Durrës, saktësisht në zonat e prekura nga tërmeti.

Ai ka takuar edhe përfaqësues të policisë dhe ushtrisë, ndërsa në një deklaratë për media tha kërkohet ndihma e institucioneve të Shqipërisë dhe Kosovës që të shmanget kriza humanitare.

“Që të mos kemi elementë të ndonjë krize humanitare duhet që institucionet edhe në Kosovë edhe në Shqipëri edhe qendror edhe vendore t’i ndihmojnë shqiptarët pa dallim sa më shumë”, u shpreh Kurti.

Ai shtoi se duhet të ndihmojmë dhe mbështesim njëri-tjetrin në këto kohë të vështira.

“Pushtetet vendore do të ndihmojnë me statistika më të mira, ndërkohë populli po e kryen punën e bujarisë dhe mirëpritjes. Populli po tregon solidaritet dhe do të duhet që institucionet dhe qeveritë ta organizojnë sa më mirë këtë gjë. Nuk duhet të bjerë përkushtimi sepse mund të duket që ka rënë rreziku”, tha Kurti.

Si pasojë e tëmetit me magnitudë 6.4 që goditi Shqipërinë më 26 nëntor, kanë humbur jetën të paktën 49 persona.

Zyrtarët ende nuk kanë ofruar shifra se sa persona mund të jenë nën rrënoja.

Në prill të vitit 1979, një tërmet me magnitudë 6.9 ka goditur Shqipërinë dhe shtetin fqinj, Malin e Zi, duke lënë 136 persona të vdekur dhe më shumë se 1 mijë të lënduar./21Media