Ligji për Ndalimin e  Lojërat e Fatit kaloi edhe në lexim të dytë

Ligji për Ndalimin e  Lojërat e Fatit kaloi edhe në lexim të dytë

Pas votimit në lexim të parë të projektligjit që i ndalon gjitha lojërat e fatit, i cili  është dërguar në Komisionin funksional për shqyrtim dhe është kthyer sërish në Kuvendin e Kosovës për lexim të dytë.

Ligji ka kaluar edhe në lexim të dytë me 69 vota për asnjë kundër dhe asnjë abstenim duke bërë kështu të mbyllen të gjitha lojërat e fatit, përveç Lotarisë së Kosovës të bashkangjitura me dy amendamente të Komisionit për Buxhet dhe Financa.

Kryetari i këtij komisioni, Lumir Abdixhiku ka paraqitur dy amendamentet përkatëse, i cili i ndalon të gjitha lojërat e fatit në tërë territorin e Kosovës dhe nenin dy që me këtë shfuqizohet Ligji i kaluar për lojërat e fatit dhe aktet nënligjore deri në zbatimin e tij.

“Janë dy amendamente, neni i parë ndryshon në si në vijim, me këtë ligj ndalohet gjitha lojërat e fatit në tërë territorin e Kosovës. Dhe neni dy, se më këtë shfuqizohet Ligji  për lojërat e fatit dhe aktet nënligjore për në zbatimin e tij. Ne kemi thënë që ish dashtë qeveria që të vij me ligj të veçantë si çdo shtet tjetër, ne i kemi kthyer lojërat e fatit në pikën zero”, ka thënë ai

Ndërkaq, deputetja dhe kryetarja e Komisionit për Legjislacion, Albulena Haxhiu tha se ka pasur dilema sa i përket licencave, sepse sipas saj ato janë pa afat.

“Ka pasur dilema sa i përket licencave, tash u njoftova se licensat janë pa afat, këtë duhet të konfirmojë ministri, e kishim të pamundur të diskutonim me të. Ne nuk kemi rekomanduar asgjë për seancë jemi pa rekomandim”, ka deklaruar ajo.

Shefi i deputetëve të Nismës, Bilall Sherifi ka thënë se kanë pasur paqartësi, mirëpo duhet të ketë një qëndrim.

“Jo vetëm që nuk kemi rekomandim të përbashkët, por nuk kemi fare rekomandim pikërisht se na mungonin sqarimet në disa çështje, vota e deputetit është për”, ka deklaruar deputeti Sherifi.

Deputeti i AAK-së, Shkumbin Demaliaj tha do të votojnë për, mirëpo për përgjegjësit duhet t’i merr parlamenti për pasojat që mundet të ndodhin.

“Qeveria e ka kryer punën e vet, LDK-së dhe VV e kanë pruar një rezolutë në kuvend, në emër të AAK-së për votën vendosin si grup, ajo dihet. Për pasojat dhe përgjegjësin e merr Kuvendi i Kosovës”, ka thënë ai.