Lëkundje të forta tërmeti gjatë natës në Itali
Ka dëme materiale
Një tërmet me magnitudë 4.5 ballë i shkallës Rihter ka rënë në provincën e Firences në Itali. Pas këtij tërmeti, të tjera lëkundje janë regjistruar në këtë zonë, por më magnitudë më të vogël.
Dëme janë raportuar në disa ndërtesa në komunat e zonës. Ndërsa në Borgo San Lorenzo shkollat u mbyllën.
Shkollat u mbyllën gjithashtu në Barberino del Mugello, Scarperia, Vernio, Marradi dhe Vicchio, duke përfshirë edhe shkollat dhe çerdhet komunale.
Prefektja e Firencës, Laura Lega tha se nuk ka situatë alarmi, nuk ka të lënduar dhe dëmet e regjistruara në disa ndërtesa nuk janë serioze.
Sipas Institutit Kombëtar të Gjeofizikës dhe Vullkanologjisë në 12 orë janë regjistruar 36 lëkundje.