Deklarohet DiCaprio

Deklarohet DiCaprio

Aktori i Hollywoodit, Leonardo DiCaprio ka hedhur poshtë akuzat e presidentit brazilian, Jair Bolsonaro se ai u ka dhënë donacione disa organizatave jofitimprurëse, që sipas Bolsonaro qëndrojnë prapa zjarreve në pyjet e Amazonës.

“DiCaprio është një djalë i lezetshëm, a nuk është ai? Ai jep para për zjarrvënien në Amazona”, ka deklaruar Bolsonaro përkrahësve të tij kohët e fundit, raporton AP.

Organizata mjedisore e Dicaprio ka premtuar 5 milionë dollarë ndihmë për të mbrojtur Amazonën, pasi zjarret e egra kishin shkatërruar pjesë të mëdha të pyjeve në korrik dhe gusht.

Aktori amerikan dhe aktivisti mjedisor ka mohuar pretendimet e Bolsonaro, se ai ka financuar organizatat, megjithëse beson se ata ia vlen të mbështeten, raporton BBC.

“E ardhmja e këtyre ekosistemeve të pazëvendësueshëm është e kërcënuar dhe unë jam krenar që jam pjesë e grupeve që i mbrojnë ata”, ka deklaruar DiCaprio.

DiCaprio ka falënderuar qytetarët e Brazilit që punojnë për të ruajtur trashëgiminë e tyre natyrore dhe kulturore.