Lirohen aktivistët e AAK-së që vendosën arkivolin para Kuvendit
Organizatorët u intevistuan në polici
Sot rreth orës 11:30, nga njësite policore të stacionit Qendra, janë shoqëruar katër persona aktivistë të AAK-së, për një aktivitet që është mbajtur në Sheshin “Skënderbeu” në Prishtinë.
Policia përmes një komunikate për media ka njoftuar se intervistimi i organizatoreve të aktivitetit dhe largimi i arkivolit është bërë me urdhër të Prokurorit të shtetit.
“Personat janë intervistuar në cilësinë e dëshmitarëve dhe me pas janë liruar, ndërkohë që arkivoli pas ekzaminimit nga ana e njësiteve kompetente është larguar nga vendi i ngjarjes”, ka bërë të ditur policia.
Aktivistët e AAK-së kishin vendosur një arkivol para objektit të Kuvendit të Kosovës.
Ish-kryeministri i Kosovës, Ramush Haradinaj ka dënuar aktin e arrestimit të aktivistëve./21Media