Ai komunikoi shpalljen persona “non grata”

Ai komunikoi shpalljen persona “non grata”

Zëvendës ministri i Brendshëm, Sandër Lleshi, të parën deklaratë për media që nga marrja e detyrës me kompetenca ministri, e bëri ditën e sotme lidhur me zhvillimet në Bularat, ku gjatë funeralit të minoritarit grek Konstandinos Kacifas në Bularat, pati thirrje antishqiptare dhe më tej u bllokua aksi rrugor Gjirokastër-Kakavijë.

Ai komunikoi shpalljen persona “non grata”, ose të padëshiruar në vendin tonë, të 52 personave të shtetësisë greke, për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi.