Lluka e Apostolova diskutojnë zhvillimet ekonomike në vend

Apostolova tha se BE do ta mbështes Kosovën në integrimet evropiane

Rritja e sigurisë së furnizimit të energjisë, projektet në fushën efiçienës së energjisë përfshirë këtu fondin për efiçiencë si dhe burimet e ripërtëritshme, janë çështje që do të trajtohen me fokus nga Qeveria e Kosovës, respektivisht MZHE, ka thënë Ministri i Zhvillimit Ekonomik Valdrin Lluka, gjatë takimit që ka zhvilluar me Shefen e Zyrës së Bashkimit Evropian në Prishtinë, Natali Apostolova.

“Lluka, ka falënderuar shefen e Zyrës së BE-së në Prishtinë Apostolova për mbështetjen e vazhdueshme që Bashkimi Evropian i ka dhënë Kosovës në të gjitha fazat e zhvillimit duke shtuar se Qeveria e Kosovës do të angazhohet që të përmbush të gjitha obligimet që dalin nga BE, në mënyrë që të përmbush obligimet qe dalin nga marrëveshja e MSA”, thuhet në komunikatën e Ministrisë së Zhvillimit Ekonomik.

Nga ana e saj shefja e Zyres së BE-së Natali Apostolova, duke uruar ministrin Lluka për detyren e re tha se Bashkimi Evropian është i vendosur të mbështesë Kosovën në rrugën e saj drejt integrimit evropian duke u ndal specifikisht ne sektorët te cilët MZHE i ka në portfolio dhe te cilat do të marrin mbështetje përmes IPA.

Sipas kësaj komunikate gjatë takimit ministri Lluka ka njoftuar shefen e BE-së në Prishtinë për projektet që MZHE ka në proces me fokus të veçantë ai i ndërtimit të Termocentralit Kosova e Re i cili do të sigurojë furnizimin e energjisë elektrike./21Media