Lluka: ”Kosova e Re” bazament i zhvillimit ekonomik
Sipas Llukës, termocentrali Kosova e Re pritet të ketë jetëgjatësi prej 40 vjetësh
Ministri i Zhvillimit Ekonomik, Valdrin Lluka është shprehur se Qeveria e Kosovës ka vulosur investimin më të madh të realizuar ndonjëherë në Kosovë që kap vlerën e 1.3 miliard eurove, por, ky sipas tij është vetëm fillimi, sepse me këtë po vendosim themelet e një ekonomie më dinamike, e cila pritet të shumëfishojë investimin në të ardhmen e afërt.
Ai ka shkruar në facebook se me të filluar operimin, termocentrali Kosova e Re pritet të ketë një jetëgjatësi prej 40 vjetësh. Lluka ka shtuar se ky planifikim afatgjatë do t’i mundësojë shoqërisë ta projektojë një të ardhme prosperuese për gjeneratat që vijnë.