Takimi u zhvillua në kuadër të përpjekjeve të May për të arritur marrëveshje me partnerët e BE-së

Takimi u zhvillua në kuadër të përpjekjeve të May për të arritur marrëveshje me partnerët e BE-së

Kryeministrja britanike Theresa May dhe kancelaria gjermane, Angela Merkel ranë dakord sot në Berlin se është e nevojshme të sigurohet një dalje e pastër britanike nga Bashkimi Evropian, sipas Dawning Street 10.

AP raporton se May dhe Merkel përfunduan një takim në Berlin më herët sot, pa i zbuluar shtypit ndonjë hollësi të bisedës.

Takimi, i cili zgjati rreth një orë e gjysmë, u zhvillua në kuadër të përpjekjeve të May për të arritur marrëveshje me partnerët e Bashkimit Evropian për vazhdimin e mëtejshëm të Brexit.

Një zëdhënëse e kryeministres britanike tha më parë se do të kërkojë zgjatjen e afatit për tërheqjen e Britanisë nga BE, me qëllim që të sigurojë mbështetjen e Parlamentit për planin e saj për Brexit në bisedimet me partinë opozitare laburiste.

Theresa May do të takohet më vonë në Paris sot me presidentin francez Emmanuel Macron.