Në ceremoni ishin të pranishëm familjarë, miq dhe ministrja Xhaçka

Në ceremoni ishin të pranishëm familjarë, miq dhe ministrja Xhaçka

Në orën 13:00 avioni ushtarak solli në Shqipëri arkivolin me trupin e pajetë të majorit Klodian Tanushi, i rënë në krye të detyrës në misionin e NATO në vendin baltik.

Në ceremoninë ushtarake të pritjes ishin familjarë, miq dhe ministrja e Mbrojtjes Olta Xhaçka.

——————————————————————————————————————–

Trupi i pajete i Tanushit mbërrin në mesditë në Tiranë

Komandanti i kontingjentit shqiptar në Letoni, major Klodian Tanushi, i rënë në krye të detyrës në misionin e NATO në vendin baltik, u përcoll me nderimet më të larta ushtarake nga kolegët e tij. Efektivë të nëntë vendeve pjesëmarrëse në misionin “enhanced Forward Presence”, përfshirë Letoninë, përcollën në Aeroportin e Rigës arkivolin e mbuluar me flamurin kombëtar, me trupin e major Tanushit, i cili do të transportohet me avion ushtarak në atdhe.

Trupi i major Tanushit pritet të mbërrijë në aeroportin “Nënë Tereza” sot në orën 12:45, ku do të pritet me nderime ushtarake në, përpara se të dërgohet pranë familjes.

Homazhet për komandantin e kontingjentit shqiptar në Letoni, do të zhvillohen ditën e enjte në Muzeun Historik Kombëtar nga ora 10:00 – 12:00.

Pas kryerjes së homazheve dhe ceremonisë shtetërore, major Tanushit do t’i jepet lamtumira e fundit në Varrezat e Dëshmorëve në Tiranë, ku do të prehet përjetësisht./oranews