S'i do t'ia dalin studentë

S’i do t’ia dalin studentë

Pas mbylljes së fakulteteve të disperzuara në Fakultetit Shën Qirili dhe Metodi, studentët thonë se do ta kenë të vështirë të udhëtojnë për në Shkup dhe nëpër qytetet e tjera. Por kryetari i Unionit Studentor Shqiptar Egzon Shabani pranon që universitetet e disperzuara kanë pasur nivel të ulët të kualitetit arsimor.

“Duhet me marrë parasysh se studentët janë regjistruar në fakultetet në qytetet e tyre sepse e kanë më lehtë. Nuk e di sa është efikas ky vendim pasi që paraqet shumë problematika tjera të cilët studentët kanë has deri më tash siç është rrugëtimi, pastaj edhe gjendja e vështirë ekonomike te një numër i madh i studentëve”, tha ai, shkruan TV21.TV

Nga ana tjetër profesoresha e fakultetit matematikor Mimoza Ristova thotë se me një hulumtim që ka bërë, ka ardhur në përfundim se disperzimi i fakulteteve është dukuri e dëmshme. Ajo tha se prej 100 studentëve të regjistruar deri në vitin e tretë kanë mbetur vetëm me 3 student.

“Thjeshtë shteti urdhëroi që të ketë studime të disperzuara pa bërë analizë. U urdhëroi profesorëve të mbajnë ligjërata, e urdhëroi fakultetin që t’i paguajë profesorët për atë shërbim, u kërkonte dokumente zyrtare për udhëtim që në këtë mënyrë ta varfërojë universitetin natyror-matematikor”, u shpreh ajo.

Ndërkaq VMRO-DPMNE akuzon qeverinë duke thënë se studentët në këtë mënyrë kufizohen dhe mundësia për të krijuar arsimim për të gjithë qytetarët zvogëlohet.

“Arsyeja e vetme se përse është hequr kjo masë është pasi që ideja për studime të disperzuara ka qenë nga VMRO-DPMNE, me qëllim që të sigurojë qasje më të madhe në arsimin e lartë për të gjithë qytetarët”, tha Luka Krzhallovski nga VMRO-DPMNE.

Për këtë ka reaguar edhe Ministria e arsimit dhe shkencës. Në kumtesë thonë se kërkesa për të ndal studimet e dsiperzuara ka qenë kërkesë e vetë fakultetit të Shën Qirilit dhe Metodij pasi që ka pas interes të vogël të studentëve që po regjistrohen. Nga ministria shtojnë se cilësia e studimit është kyçe që në këtë mënyrë diploma të merret me meritë dhe dije, dhe pikërisht për këtë kanë ndal edhe universitetet e disperzuara./21Media