Olimpiada “Tokyo 2020” do të zgjasë 17 ditë

Olimpiada “Tokyo 2020” do të zgjasë 17 ditë

Xhudistja nga Kosova do të marrë pjesë në Olimpiadën e tretë në karrierë, ku po synon të fitojë përsëri medaljen e artë olimpike në “Tokyo 2020”, ashtu siç bëri edhe në “Rio 2016”

Kurse, tani është zbuluar data e fillimit të garave që do të mbahen në sporte të ndryshme në Lojërat Olimpike verore, të cilat do të mbahen në vitin 2020 në Tokyo të Japonisë.

Garat do të fillojën më 24 korrik dhe do të zgjasin deri më 9 gusht të vitit 2020.

Pjesë e kësaj Olimpiade që do të  zgjasë 17 ditë gjithësej janë 33 sporte dhe 339 evenimente.

Në “Tokyo 2020” do të debutojnë disa sporte, ndërsa ceremonia hapëse do të jetë më 22 korrik.

Për momentin nuk dihet se me sa garues do të përfaqësohet Kosova, por dihet gjithsesi se medaljen do ta kërkojë mbi të gjitha përmes garueses më të mirë të saj, Majlinda Kelmendi.

“Të dielën, më 26 korrik 2020, krejt sytë e xhudos do të jenë të fokusuar kah kampionia aktuale olimpike nga Kosova, Majlinda Kelmendi, e cila do të shpresojë ta mbrojë kurorën që e kishte fituar në Rio në vitin 2016”, shkruan “sportsnewsireland.com’’.

Krahas Majlindës, “Tokyo 2020” e synojnë edhe Nora Gjakova, Distria Krasniqi, Akil Gjakova dhe Loriana Kuka.

Nga sportet tjera garuesit kosovarë pritet të marrin pjesë me ftesa. /21Media