Gjumi i mirë dhe konsumimi i çajërave janë veç dy prej pesë metodave

Gjumi i mirë dhe konsumimi i çajërave janë veç dy prej pesë metodave

Depresioni gjatë dimrit është individual, pasi te dikush ndikon më shumë dhe te dikush më pak. Moti i ftohtë dhe ditë më të shkurtra me pak shkëlqim shumë shpesh ndikojnë në disponimin tonë, por kjo nuk është e pazakontë që gjatë kësaj stine të vuani nga depresioni dimëror.

Njerëzit e ndjeshëm janë më të prirë ndaj depresionit dimëror, por vetëm ata kanë simptoma më të theksuara si lodhje, rraskapitje, humor të keq, apati, mungesë energjie, vështirësi gjumi dhe marrëdhënie jo të mira shoqërore. Përveç kësaj, dimri mund të ndikojë në imunitetin dhe të sjell ftohjet dhe gripin.

Më poshtë lexoni disa metoda me të cilat mund ta mposhtni depresionin gjatë stinës së dimrit:

Qëndroni në ajër të pastër

Ditët më të shkurtra dhe më pak rreze dielli mund të shkaktojnë mangësi të vitaminës D, e cila mund të çojë në lodhje, përgjumje dhe ndryshim të disponimit. Gjatë ditëve të ftohta dhe të zymta, mos u mbyllni në katër mure, por dilni në ajër të pastër dhe sigurohuni në dritë të mjaftueshme.

Gjumi i mirë

Gjumi është koha për rigjenerim të organizmit. Aktivitetet e përditshme stresuese ose më pak stresuese kërkojnë shumë energji, që kërkon një gjumë të mirë dhe të shëndetshëm, sidomos kur ka depresion dimëror.

Rekomandohet që të mos hani ushqim me yndyrë dhe ushqime të rënda në mbrëmje. Është e rëndësishme të ajrosni dhomën përpara kohës së gjumit dhe të siguroheni se është errët. Gjithashtu, për netë më të gjata në dimër ato mund të çojnë në shumë orë gjumi, të cilat mund të rezultojnë me lodhje më të madhe.

Fruta dhe perime të freskëta

Nëse trupi është i dobët dhe i lodhur, ftohja ndikon edhe më shumë te ju. Për ta parandaluar këtë, shtesat e vitaminave mund të jenë të dobishme për trupin tonë. Frutat dhe perimet e freskëta janë aleatë të shkëlqyer në luftën kundër depresionit të dimrit.

Ushqimi i shëndetshëm jo vetëm që ndikon për vitalitetin, por gjithashtu ndihmon në detoksifikim. Gjatë dimrit, zakonisht hani ushqime të rënda dhe yndyrore që duhet të zëvendësohen gradualisht me ato të lehta dhe ushqyese.

Ushtrimet e rregullta

Për ta mposhtur depresionin e dimrit dhe pasojat e tij negative rekomandohet ushtrimi i rregullt dhe aktiviteti fizik. Kjo stimulon sekretimin e endorfinës – hormon i lumturisë, e cila është thelbësore për një humor të mirë dhe një ndjenjë të lumturisë.

Aktiviteti fizik ndikon në qarkullimin, balancimin e hormoneve dhe metabolizmin. Çdo ditë një shëtitje e shkurtër prej 30 minutash ose më shumë është e mjaftueshme. Trupi do të marrë më shumë oksigjen, do të forcojë sistemin nervor dhe mekanizmin e mbrojtjes.

Çajëra bimore

Nuk ka asgjë më të mirë se çajërat aromatike bimore që përmirësojnë disponimin tonë. Konsumoni ata rregullisht për t’u ngrohur dhe çlodhur. Përveç relaksimit, disa çaje përshpejtojnë metabolizmin, gjë që ndihmon në luftën kundër depresionit të dimrit.