Ministria e Diasporës: Bashkatdhetarët t’i shmangen Merdares

Sipas tyre ajo pikë kufitare mund të jetë më problematikja

Ministria e Diasporës me anë të një njoftimi për media rekomandon bashkatdhetarët që vijnë t’i kalojnë pushimet në Kosovë,  paraprakisht, para se ta marrin rrugën për në vendlindje, ta konsultojnë webfaqen e Ministrisë së Punëve të Brendshme, përkatësisht Qendrën kombëtare të menaxhimit kufitar, e cila për çdo ditë pasqyron situatën në pikat kufitare, duke treguar edhe për kohën e pritjes.

“Për shkak të punimeve në terminalin e ri, por edhe për shkak të përqendrimit që ndodh në Merdare gjatë ardhjes së mërgimtarëve, ajo pikë kufitare mund të jetë më problematikja sa u përket pritjeve, andaj Ministria e Diasporës, në konsultim me Policinë e Kosovës, rekomandon që, aq sa ka mundësi, të shmanget ajo pikë dhe të shfrytëzohen pikat e tjera kufitare”, thuhet në njoftimin e Ministrisë së Diasporës.

Ministria ka lënë në dispozicion edhe një numër kontakti në Beograd dhe email adresën e Ministrisë për çfarëdo problemi ose halli që mund t’u paraqitet gjatë rrugës e që bashkatdhetarët menjëherë t’i njoftojnë Policinë e Kosovës dhe Zyrën e Kosovës në Beograd në: + në +38166247743 dhe l.o@rks-gov.net, por edhe Ministrinë e Diasporës në: ministriaediaspores@rks-gov.net./21Media