Mjekët diskutuan për problemet dhe sfidat e 2018-ës

Thanë se këto do të jenë udhërrëfyes për 2019-ën

Oda e Mjekëve të Kosovës, ka mbajtur mbledhjen e rregullt, të pestën me radhë, me ç’rast u diskutua për raportin vjetor të vitit 2018.

Kryetari i Odës së Mjekëve, Pleurat Sejdiu tha se puna, problemet dhe sfidat që kanë qenë gjatë vitit të kaluar, do të jenë udhërrëfyes për vitin 2019.

Më tej, Sejdiu bëri të ditur se gjatë vitit 2018, në Odë janë anëtarësuar 3 mijë e 681 mjekë. Ndërsa, për kompetencat publike dhe mbikëqyrjen etiko-profesionale, tha se kjo ka qenë çështja më e rëndësishme, pasi të gjitha rastet janë trajtuar nga Oda që ai kryeson. Në lidhje me licensat e mjekëve, Sejdiu tha se gjatë vitit 2018 janë rreth 561 licenca që u janë dhënë.

Për raportin financiar, ai tregoi se nuk ka databaza për të shikuar saktë, sa mjekë janë të punësuar në gjithë territorin e Kosovës.

Kryetari i Odës së Mjekëve bëri të ditur se mjekët e huaj që nuk janë anëtarë të Odës së Mjekëve, nuk kanë të drejtë të bëjnë intervenime tek pacientët dhe se kjo duhet të merret parasysh nga të gjitha spitalet private. Ai madje ftoi Prokurorinë që të hetojnë këtë dukuri.

Gjatë kësaj mbledhje të mantelbardhëve pritët të bëhet amendamenti për statutin e tyre dhe amendamenti për kodin etik. Po ashtu, shqyrtimin dhe miratimin e draftit të planit të punës dhe draft buxhetit për vitin 2019.