Ju prezantojmë pesë prej tyre

Ju prezantojmë pesë prej tyre

Vitet e fundit, dasmat, ceremonitë apo eventet e ndryshme, po organizohen nga kompani të posaçme që marrin përsipër gjithçka, nga dekori i ambientit deri tek servisi i pjatave që shkon me ngjyrën e luleve në tavolinë.

Në kësi kushte duket e pamundur të gabosh, por pesë nuse tregojnë për PureWow gabimet që nuk duhet të bëjnë një ditë përpara dasmë, e të gjithë këto gabime lidhen me një gjë- flokët.

Mos i stiloni flokët tek një person, punën e të cilit nuk e keni parë më parë. Sot është shumë e thjeshtë të shohësh sesi një parukier apo artist grimi punon, falë fotografive e rrjeteve sociale.

Nëse e njihni veten që djersini shumë, sigurohuni që modeli i flokëve të jetë i kapur. Në këtë mënyrë flokët nuk do t’ju bezdisin duke ju rënë mbi supe. Stilimi me kurorë apo gërshetat, janë gjithnjë modele shumë të pëlqyera për nuset.

Thuajini grimieres se çfarë ju shkon. Ju jeni lyer për vite me radhë dhe grimin e ditës së dasmës po ia besoni dikujt që ju sheh për herë të parë. Nuk është turp t’i thuash parukieres se çfarë ngjyrash nuk ju shkojnë, apo si do të donit të lyheshit.

Mos bëni asnjë trajtim estetik një javë para dasmës. Asnjëherë nuk i dihet si mund të shkojë trajtimi dhe ju nuk do të dëshironit që në ditën e dasmës të kishit shenja në trup apo fytyrë. Madje dhe pushin e fytyrës duhet ta hiqni një jave para në mënyrë që nëse ju shfaqen puçrra të vogla ato të zhduken për 7 ditë.

Mos i lini të gjitha për ditën e fundit. Manikyrin mund ta bëni disa ditë para, madje dhe lyerjen e flokëve.