Mosdekretimi i Cakajt, vazhdojnë përplasjet Rama e Meta
Rama i kundërpërgjigjet Presidentit Meta
Pas deklaratës së Presidentit të Shqipërisë Ilir Meta, se ‘ nuk ka fuqi në botë t’i bëjë presion Presidentit të Republikës së Shqipërisë’, porosi kjo dërguar kryeministrit Edi Rama, është kundërpërgjigjur ky i fundit. Në një reagim në Facebook, Rama shprehet se “Presidenti nuk di si të dalë nga gropa që i hapi vetes”. Ai madje thotë që të mos merret seriozisht Presidenti.
“Mos e merrni seriozisht ju lutem, ose i ka vjedhur Doktorresha e Shkencave passwordin e faqes zyrtare ose pastaj është në atë fazën kur i bën thirrje popullit për të marrë armët, ngaqë s’di si të dalë nga gropa që i hap vetes! I çova provat e mëkatit ndaj Gentit dhe vuan tani”, u shpreh Rama.
Mos e merrni seriozisht ju lutem, ose i ka vjedhur Doktorresha e Shkencave passwordin e faqes zyrtare ose pastaj eshte ne ate fazen kur i ben thirrje popullit per te marre armet, ngaqe s’di si te dale nga gropa qe i hap vetes! I çova provat e mekatit ndaj Gentit dhe vuan tani🤔
— Edi Rama (@ediramaal) January 11, 2019
Polemikat në mes Ramës e Metës janë duke vazhduar nga dita e djeshme, që kur Presidenti Meta refuzoi që të dekretojë Gent Cakaj ministër të Jashtëm të Shqipërisë.