Nga mesi i javës temperaturat tropikale

Nga mesi i javës temperaturat tropikale

Java e ardhshme do të ndikohet nga masat e ajrit me presion të ndryshueshëm atmosferik. Kjo situatë meteorologjike do të krijoj kushte për reshje shiu dhe shkarkime rrufesh. Kjo situatë e paqëndrueshme meteorologjike do të vijoj ditën e hënë dhe të martë, më tej pritet stabilizim i motit dhe masa të nxehta të ajrit që vijnë nga verilindja. Temperaturat minimale parashihen të lëvizin ndërmjet 15-17 gradë Celsius, ndërsa maksimalet e ditës parashihen të lëvizin ndërmjet 26-32 gradë Celsius. Indeksi UV mbetet mbi vlerat e normales, sidomos në rrafshin e Kosovës dhe kjo situatë do të ndikoj në kushtet biometeorologjike, për personat që kanë probleme me shëndet: tension, sheqer, rrugë të frymëmarrjes, probleme me zemër etj.
Do të fryjë erë kryesisht nga verilindja me shpejtësi 1-9m/s, thuhet në Raportin e Institutit Hidrometeorologjik të Kosovës./21Media