Temperatura maksimale deri në 33 gradë

Temperatura maksimale deri në 33 gradë

Instituti Hidrometeorologjik i Kosovës ka njoftuar se sot do të mbajë mot kryesisht i qetë dhe me diell. Ky mot do ta shoqërojë vendin gjatë këtyre dy ditëve.

Sipas institutit, temperaturat minimale parashihen të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 31-33 gradë Celsius.

“Indeksi UV mbetet i lartë, në vlerat e rrezikut, prandaj kushtet biometeorologjike, nuk do të jenë të mira, sidomos për një shtresë të popullatës që kanë probleme me sëmundje kronike. Në bazë të parashikimeve afatgjata sinoptike, në fushat termike nuk parashihet të kemi luhatje të mëdha, të paktën deri në fund të muajit edhe pse, gjatë vikendit parashihet një ndryshim i përkohshëm i motit, duke sjell vranësira të çrregullta dhe kushte për reshje shiu”, thuhet në njoftimin e institutit.

Do të fryjë erë nga drejtimi i veriut dhe verilindjes me shpejtësi 1-7m/s.