Në çadër me fëmijë të vegjël në temperatura minus

Familja në Fushë Krujë kërkon ndihmën e shtetit

10 anëtarët e familjes Islam Cakoni  jetojnë në çadër që pas tërmetit të 26 nëntorit që goditi Shqipërinë.

Aty prej 35 ditësh përballet me temperaturat nën zero.

Me zjarrin e ndezur  nga njëra anë dhe me çadrën që lëviz prej erës nga ana tjetër, kryefamiljari shprehet se askush nuk është interesuar për ta, ndërsa kërkon nga shteti një shtëpi të sigurt.

“Kërkoj që shteti sa më shpejt të na ndihmojë me shtëpinë për rindërtimin. Këtu kemi tokën, lopët, të gjitha. Nuk kam ku të iki”, ka thënë Ismail Cakoni.

Në lidhje me bonusin e qirasë, Cakoni shprehet se nuk ka informacion për të, ndërsa shprehet se nuk mund të lëvizë prej banesës së tij, pavarësisht se është e dëmtuar. Kjo për shkak të kujdesit për bagëtinë.

“Nuk di asgjë për bonusin e qirasë, por nuk mund të largohem nga këtu. Jam i detyruar të rri këtu”, ka thënë Ismail Cakoni.

Ismail Cakoni shprehet se asnjë përfaqësues i shteti nuk i ka vizituar ata, ndërsa çdo ditë shqetësohen për fëmijët e vegjël në këto temperatura të ulëta./oranews