Basha ka thënë se Shqipëria i ka borxh diasporës

Basha ka thënë se Shqipëria i ka borxh diasporës

Kreu i PD, Lulzim Basha e ka quajtur fasadë Samitin e Diasporës, të organizuar nga qeveria. Në një status në twitter, ai ka shkruar se i ka një borxh të madh kësaj pjese të Shqipërisë jashtë territorit.

“Ne i kemi një borxh të madh diasporës, ndaj nuk mund të pranoj kurrë përdorimin e saj si fasadë nga njeriu që mbushi kampet e azilkërkuesve me 300 mijë shqiptarë duke i përzënë nga shtëpitë e tyre, ja nxiu faqen Shqipërisë me kanabisin dhe ja dorëzoi vendin oligarkëve dhe krimit.”, ka shkruar Basha.

Basha ka thënë se mirëpret bashkëpunimin e diasporës për të ndërtuar në Shqipëri lirinë dhe sigurinë.

“Shqipëria ka nevojë jetike për ndihmën dhe kontributin e diasporës. Unë dhe Partia Demokratike mirëpresim krahëhapur mbështetjen e saj dhe bashkëpunimin e ngushtë e të sinqertë për të ndërtuar në Shqipëri mundësitë, sigurinë, lirinë dhe vlerat që ata gëzojnë në vendet ku jetojnë.”, ka shkruar më tej ai./oranews