MPB: Në protestën e mbrëmshme janë lënduar 109 përsona

Këtë numër e ka bërë të ditur Ministria e Punëve të Brendshme të Maqedonisë

Gjendja e sigurisë në qendër të qytetit, rreth dhe në Kuvend prej mbrëmë pas mesnate është normalizuar me vendosjen e rendit dhe qetësisë publike, informoi Ministria e Punëve të Brendshme.

Sipas informacioneve të MPB-së në protestat e mbrëmshme në Shkup janë lënduar 109 persona.

Siç qëndron në kumtesë deri në ora 23:30 minuta në Spitalin e Qytetit 8 Shatori, Spitalin e qytetit, “Shën Klimenti i Ohrit” dhe në Qendrën klinike, ndihmë mjekësore kanë kërkuar 70 qytetarë, 22 nëpunës policorë dhe tre deputetë. Në mënyrë shtesë në kazermën Gjorqe Petrov ndihmë mjekësore u është dhënë edhe shtatë personave tjerë, shkruan tv21.tv.

Nga MPB theksojnë se për shkak të gjendjes së mëparshme të sigurisë MPB-SPB Shkup do të ndërmarrin masa dhe aktivitete shtesë me qëllim të mbrojtjes së sigurisë së qytetarëve, objekteve dhe sigurimit të gjendjes stabile dhe të volitshme të sigurisë.

Sipas informacioneve të MPB në Kuvendin e Republikës së Maqedonisë pas mesnatës nuk ka pasur asnjë qytetarë, ndërsa ata që kanë protestuar kanë qenë jashtë Kuvendit./21Media

Back to top button