Marrëveshje për eliminimin e tatimit të dyfishtë

Është nënshkruar sot marrëveshja për  eliminimin e tatimit të dyfishtë lidhur me tatimet mbi të ardhurat

Ministri i në detyrë i Financave, Avdullah Hoti dhe ambasadori i Zvicrës, Jean Hubert Lebet nënshkruan marrëveshjen për eliminimin e tatimit të dyfishtë lidhur me tatimet mbi të ardhurat, ndërmjet Republikës së Kosovës dhe Këshillit Federal i Zvicrës.

Hoti tha se kjo marrëveshje do të na ndihmojë shumë.“Për neve Zvicra është vend mik për arsye se një numër shumë i madh i qytetarëve të Kosovës jetojnë atje. Me këtë marrëveshje do të hapet mundësia që të ketë bashkëpunim më të madh mes dy vendeve në aspektin ekonomik”, tha ai.