Kuvendi i Kosovës nesër do të mbajë një seancë solemne me rastin e vizitës së presidentit të Sllovenisë Borut Pahor

Kuvendi i Kosovës nesër do të mbajë një seancë solemne me rastin e vizitës së presidentit të Sllovenisë Borut Pahor

Pahor ka filluar sot vizitën në Kosovë ku është takuar me presidentin e Kosovës Hashim Thaçi.

Në seancën solemne e cila nis në ora 09:00, deputetëve do t’u drejtohet presidenti i Sllovenisë Borut Pahor, thuhet në njoftimin e Kuvendit.

Tutje në njoftim thuhet se nga ora 10:00, nesër do të vazhdojë seanca e Kuvendit të Kosovës e cila ka mbetur në gjysmë javën e kaluar.

Në këtë seancë si pikë e rendit të ditës është interpelanca e kryeministrit të Kosovës Ramush Haradinaj, kërkesë kjo nga GP i LDK dhe VV lidhur me rritjen e pagave për anëtarët e kabinetit qeveritar.

Pikat e rendit të ditës:

9. Interpelanca e Kryeministrit të Republikës së Kosovës, z. Ramush Haradinaj, sipas kërkesës së GP të Lidhjes Demokratike të Kosovës dhe GP të Lëvizjes Vetëvendosjes lidhur me Vendimin e Qeverisë së Kosovës nr.04/20 të datës 20.12.2017 për rritjen e pagave të anëtarëve të Kabinetit qeveritar, Vendimin nr. 05/24 i datës 12 janar 2018, për rritjen e pagave për të gjitha kategoritë e të punësuarave që marrin paga nga buxheti i Kosovës, si dhe Vendimi nr. 15/24 i datës 12 janar 2018 për lartësinë e pagesës mujore për familjet në Skemën e Ndihmave Sociale,

10. Debat parlamentar, sipas kërkesës së nënkryetarit të Kuvendit, z. Kujtim Shala dhe gjashtë (6) deputetëve nënshkrues lidhur me Raportin e 100 ditëve të punës të Qeverisë së Republikës të Kosovës,

12. Shqyrtimi i rekomandimit të Komisionit për Arsim, Shkencë, Teknologji, Kulturë, Rini, Sport, Inovacion dhe Ndërmarrësi për Ratifikimin e nëntë (9) anëtarëve të Këshillit Shtetëror të Cilësisë,

14. Votimi i Raportit për gjendjen e mjedisit në Kosovë për vitin 2016.