Nga sot OEK-un e udhëheq Berat Rukiqi
Bëhet pranim – dorëzimi i detyrës
Sot bëhet pranim – dorëzimi i detyrës nga kryetari i deritanishëm i Odës Ekonomike të Kosovës, Safet Gërxhaliu tek kryetari i ri, Berat Rukiqi.
Ceremonia e pranim-dorëzimit të detyrës mbahet nga ora 11:00 në objektin e Odës Ekonomike të Kosovës.
Dje Kuvendi i Odës Ekonomike të Kosovës ka zgjedhur Berat Rukiqin për kryetar për një mandat katër vjeçar.
Rukiqi ka një përvojë të gjatë në sektorin publik dhe privat, duke qenë i angazhuar për një vit në Zyrën e Paktit të Stabilitetit për Evropën Juglindore, 11 vite në pozita të ndryshme në Odën Ekonomike të Kosovës, 10 vite si staf i rregullt në Universitetin Publik “Hasan Prishtina”, 4 vite kryesues i Bordit të Drejtoreve të KEK-ut, anëtarë i bordit të “Millennium Foundation Kosovo”, si dhe është bashkëthemelues dhe bashkëpronar në kompaninë “Trosha”./21Media