Aktakuzë ndaj të pandehurës R.Q

Aktakuzë ndaj të pandehurës R.Q

Prokuroria Speciale e Kosovës ka ngritur sot aktakuzë në Departamentin Special të Gjykatës Themelore në Prishtinë kundër të pandehurës R.Q për veprën penale të organizimit dhe pjesëmarrjes në grup terrorist.

E pandehura R.Q. më 23.08.2014, me dashje dhe vetëdije të plotë ka lëshuar vendbanimin e përhershëm të saj në Kosovë dhe përmes Aeroportit të Shkupit ka udhëtuar për në Stamboll, ndërsa nga aty, me bashkëshortin e saj kanë udhëtuar në Siri nga ku i është bashkangjitur organizatës terroriste ISIS dhe nga e cila është financuar rregullisht me një shumë në vlerë prej 12 – 65 dollarë në muaj.

Me këto veprime e pandehura R.Q. ka kryer veprën penale organizimi dhe pjesëmarrja në grup terrorist, sipas KPRK-së.