Prokuroria Themelore në Gjakovë ka ngritur aktakuzë kundër pesë të pandehurve, për tre vepra të ndryshme penale, ku përfshihen për blerje të kokainës dhe fshehje të veprës penale

Loading...

Prokuroria Themelore në Gjakovë ka ngritur aktakuzë kundër pesë të pandehurve, për tre vepra të ndryshme penale, ku përfshihen për blerje të kokainës dhe fshehje të veprës penale

Sipas Prokurorisë, në kohë të pacaktuar të vitit që lamë pas e deri më 16.09, në Komunën e Gjakovës, të akuzuarit B.H., D.H., dhe D.H., në bashkëveprim pa autorizim kanë shpërndarë, shitë dhe transportuar substancë narkotike të llojit kokainë dhe të cilët në vazhdimësi kanë blerë dhe janë furnizuar në lokacione të ndryshme në qytetin e Gjakovës. Kështu kanë kryer veprën penale ”blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”.

“I pandehuri A. Sh., në kohë të pacaktuar e deri më datën 16.09.2018, me dashje ka ndihmuar personat tjerë në kryerjen e veprës penale të cekur më lartë, duke mundësuar në vazhdimësi krijimin e kushteve, mënjanimin e pengesave dhe duke i fshehur provat e veprës penale. Me çka i njëjti ka kryer veprën penale “ndihma në kryerjen e veprës penale blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”,  nga neni 273 para 2 të KPRK-së, lidhur me nenin 33 par.1 i KPRK-së. I akuzuari G. Xh., me datë 16.09.2018, pa autorizim ka poseduar substancë narkotike, dhe i njëjti atë e ka blerë nga të pandehurit D.H., dhe D.H., duke kryer kështu veprën penale ”posedimi i paautorizuar i narkotikëve, i substancave psikotrope ose analoge nga neni 275 par.1 i KPRK-së”, thuhet në komunikatë.

Prokurori i rastit i ka propozuar Gjykatës Themelore në Gjakovë, që të pandehurit të dënohen sipas ligjit për veprat penale që iu vihen në barrë.