Nishani ngushëllon për viktimat në Arenën e Mançesterit

Nishani i dënon me forcë këto akte

Presidenti i Shqipërisë, Bujar Nishani shpreh hidhërimin e thellë mbi viktimat e pafajshme dhe të plagosurit e shumtë të akteve të mbrëmshme terroriste në Arenën e Mançesterit në Britaninë e Madhe.

Presidenti Nishani i shpreh ngushëllimet më të sinqerta familjarëve e të dashurve të viktimave dhe autoriteteve britanike, ndërsa të lënduarve u uron shërim sa më të shpejtë.

“Në solidaritet të plotë me qytetarët dhe autoritetet britanike, Presidenti Nishani i dënon me forcë këto akte mizore dhe nxitësit e tyre, duke theksuar se terrorizmi nuk do të arrijë t’i mposhtë e gjunjëzojë vendet e shoqëritë e lira”, thuhet në telegramin e ngushëllimit të presidentit Nishani.

Policia ka konfirmuar se në këtë sulm kanë vdekur 22 persona shumë prej tyre edhe fëmijë ndërsa 59 të tjerë mbetën të lënduar./21Media