Limaj shpalosi programin e partisë që e drejton dhe theksin kryesor e vendosi në punësim, bujqësi, shëndetësi dhe arsim

Limaj shpalosi programin e partisë që e drejton dhe theksin kryesor e vendosi në punësim, bujqësi, shëndetësi dhe arsim

Kryetari i Nismës për Kosovë, Fatmir Limaj së bashku me kandidatët për deputetë Bilall Sherifi, Haxhi Shala, Enver Hoti dhe kryetari i Komunës së Malishevës, Ragip Begaj, kanë mbajtur një takim me simpatizantë dhe përkrahësit e Nismës në Banjë të Malishevës.

Ai tha se me qeverisjen e tyre, veprimi i parë që do të bëjnë është që çdo familje të ketë një të punësuar.

Sipas tij, e vetmja mënyrë për të zhvilluar vendin është bujqësia, ku ai premtoi 400 milionë euro investime në bujqësi.

Ai shtoi se duan një bujqësi intensive, e cila fillon me punësimin e familjes. Ndërsa, sa i përket shëndetësisë, ai tha se nuk duan që njerëzit e Kosovës të shesin gjithë çfarë kanë dhe të kërkojnë shërim jashtë vendit.

Gjithashtu, i pari i Nismës, Fatmir Limaj tha se do të hapin shkolla profesionale, që elektricisti të shkojë në shkollë për elektricistë, secili të shkojë në shkollë për profesion të tij.

Së bashku me Fatmir Limajn në këtë tubim ishin edhe kandidatët për deputet, të cilët kërkuan që të përkrahet programi i Nismës.