OAK kundër vendimit të Qeverisë, kërkojnë anulimin e tij
45 avokatë e kanë kontestuar këtë rregullore
Kryetari i Odës së Avokatëve të Kosovës, Osman Havolli, tha se sistemi gjyqësor, në këtë rast KPK-ja, KGJ-ja dhe OAK-u janë goditur nga qeveria e Kosovës me pezullimin e rregullores për caktimin e avokatëve sipas detyrës zyrtare.
Havolli tha se OAK-u shpreh indinjatën e thellë rreth këtij vendimi të Qeverisë, derisa theksoi se është hera e parë që një Qeveri interferon në OAK.
Sipas tij, Qeveria ka rënë në lajthitje me këtë vendim dhe paraqet një ndërhyrje në sistemin gjyqësor, ndaj edhe ka bërë thirrje për tërheqjen e këtij vendimi.
Ai theksoi se 700 avokatë i ka Kosova, ndërsa 45 e kanë kontestuar këtë rregullore.
Rregullorja parasheh që avokatët që caktohen sipas detyrës zyrtare e që paguhen nga shteti, të caktohen në departamentin e përgjithshëm, avokatët e rinj deri në tri vjet përvojë, derisa mbi tri vjet përvojë të caktohen për krime të rënda./21Media