“Nuk është befasi që edhe Amerikës po u humb durimi”

“Nuk është befasi që edhe Amerikës po u humb durimi”

Pas Ambasadorit Amerikan, Philip Kosnett, për emërimin e Naser Shalës në krye të Agjencisë për Verifikimin dhe Krasnimin e Pronave, ka reaguar edhe Ambasadori i Britanisë së Madhe, Ruari O’Connell.

Ai përmes një postimit në facebook ka thënë se Shala nuk do të duhej të emërohej në këtë pozitë.

“Pajtohem plotësisht. Ai është i pakualifikuar dhe nuk do të duhej të emërohej. Qeveria britanike ndihmoi procesin i cili tregoi se kishte kandidatë të kualifikuar, por shumica e deputetëve në Kuvend, nga shumë parti, preferuan nepotizmin dhe favoret e ndërsjella në vend të një shërbimi publik të kualifikuar dhe të pavarur”, ka shkruar O’Connell.

O’Conell ka shtuar se emërimi i Shalës në këtë pozitë është fyerje për taksapaguesit britanikë, duke treguar se kjo është arsyeje pse ai ka dhënë dorëheqje nga bordi i Agjencisë.

“Nuk është befasi që edhe Amerikës po u humb durimi”, ka përfunduar O’Connell.

Para, O’Connell, për Shalën reagoi edhe Ambasadori Amerikan, Philip Cosnett.

Ambasadori Amerikan, Philip Cosnnet ka kërkuar dorëheqjen e Naser Shalës, i cili është në krye të Agjencisë për Krahasim dhe Verifikim të Pronës.

Përmes një postimi në Twitter, Kosnett ka deklaruar se qëndrimi i Shalës në krye të Agjencisë, po minon besimin e qytetarëve.

“I pakualifikuari Naser Shala vazhdon të qëndrojë në krye të Agjencisë për Krahasim dhe Verifikim të Pronës, duke minuar kështu besimin e qytetarëve në seleksionet bazuar në meritë (për punësim). Hapi i ndershëm për të gjithë të pakualifikuarit e emëruar është dorëheqja”, ka shkruar Kosnett.

Ai ka shtuar se tani është koha që partitë të propozojnë zgjidhje për t’i dhënë fund korrupsionit dhe nepotizmit.